SKIP TO CONTENT
The portal for lifelong-learning
LU
DE
EN
FR
PT
You are here: Home > Agenda

Ortho-Zertifizéierung - Test den Test!

Mellt Iech un an test den Test!

Zenter fir d'Lëtzebuerger Sprooch - 18/07/2022

Geschwë kann ee seng Kenntnisser an der Lëtzebuerger Orthografie zertifizéiere loossen, dofir ginn elo nach Testkandidate gesicht

Am November 2019 gouf se presentéiert, déi completéiert an aktualiséiert Lëtzebuerger Orthografie. Zanter Enn 2020 ass se eleng a Kraaft a ganz vill Leit hu sech zanterhier fir déi nei Schreifweis interesséiert: D'Reegelwierk D'Lëtzebuerger Orthografie geet elo geschwënn a seng 5. Oplo, d'Léierwierker (De Roude Fuedem, Eis Sprooch richteg schreiwen asw.) sinn immens beléift, den ZLS an de SCRIPT hu Video-Tutorials ausgeschafft, déi op Vimeo an op RTL PLAY ze fanne sinn, den Ortho-Trainer gouf verbessert, d'Orthografie ass Deel vum Lëtzebuergesch-Cours am Enseignement secondaire a ganz vill Leit hu sech a Coursen oder als Autodidakt mat de Schreifreegele befaasst.

Wéinst deem groussen Interessi soll jiddereen d'Méiglechkeet kréien, sech seng Kompetenzen am orthografesch korrekte Schreiwen zertifizéieren ze loossen. Den Zenter fir d'Lëtzebuerger Sprooch (ZLS), den Institut National des Langues (INL) an de Luxembourg Centre for Educational Testing (Lucet) schaffen zesummen un der sougenannter Ortho-Zertifizéierung. Duerch en offiziellen Test kann ee sech vun 2023 un (e geneeën Datum gëtt et nach net) seng Fäegkeete schwaarz op wäiss bestätege loossen.

Fir den Test ze testen, hei umellen an e Slot eraussichen (Doodle).

Fir datt den Test och genee dat moosst, wat e soll moossen, muss e fir d'éischt op Häerz an Niere gepréift ginn. An de leschte Wochen hunn net manner ewéi 600 Leit, virun allem aus dem edukativen an aus dem staatleche Beräich, den Test getest; fir d'Stéchprouf awer nach méi representativ ze maachen, wëlle mer jidderengem d'Méiglechkeet ginn, fir beim Test matzemaachen.

Wien interesséiert ass, dee kann dat tëscht dem Méindeg, den 18. Juli an dem Samschdeg, den 30. Juli am Zenter fir d'Lëtzebuerger Sprooch zu Stroossen (163, rue du Kiem) maachen.

Mir proposéieren Iech 60 Plage-horairen. Den Test dauert tëscht 30 a 60 Minutten a gëtt op engem iPad gemaach, dee mir zur Verfügung stellen. Hutt just wgl. Versteesdemech, datt mer duerno kee Resultat kënne matdeelen. Aktuell gëtt den Handling getest an de Schwieregkeetsgrad vun de Froen, fir sécherzestellen, datt déi eenzel Tester duerno och all d'selwecht schwéier respektiv liicht sinn, bei der Ortho-Zertifizéierung méi spéit kritt nämlech net jiddereen dee selwechten Test ...


Froen? Zéckt net: lod@lod.lu oder Tel. 247-88640.

Mir soen Iech am Viraus MERCI fir Ären Interessi a fir Är Ënnerstëtzung.

A mir revanchéieren eis mat e puer flotte Gadgete vum ZLS!

Responsibility for the content of this article lies solely with its author - Zenter fir d'Lëtzebuerger Sprooch
Share this content

 

Print Expand/Collapse all Send to a friend
Source
Zenter fir d'Lëtzebuerger Sprooch

www.zls.lu

Use of cookies

lifelong-learning.lu uses cookies to offer you a quality user experience, measure audiences, optimise functions on social media, and offer you personalised content.

By continuing to browse this website, you accept the use of cookies subject to the conditions provided for in our policy on the subject. Find out more.

Essential cookies
These cookies make it possible to use the main functions of our website (including access to your personal space). Normal use of our website is not possible unless these cookies are enabled.
Statistics
These cookies make it possible to compile statistics on visits to our website. Disabling them stops us monitoring and improving the quality of the services we provide.
Targeted advertising
These cookies make it possible to provide you with information via the Internet and the social media, with offers of training that match your needs.

Read our policy on the use of cookies.

Accept all Manage your cookie settings
Veuillez patienter...